Paasken (Ostern)

Weet ji noch, Paasken vör een Johr? Ganz ohn groot Füür? Ohn vörn hitt un achtern koold, wat man nur mit'n beeten Schwips uthöölt. Wi hebbt to Huus in Goorn 'n lütt Füür in'n Füürkorf maakt und to tweet dorvöör seeten. Weer nich würklich warm, aver weer doch beeter as nur in de Stuv to sitten. Un wi dachten jo ok, dat dat in'n poor Weeken vörbi weer mit den Spijöök. Man dat weer nich bloots een Spijöök, nu sünd wi een Johr wieder un wi ward wedder blots to tweet fiern.

Jo, nu is dat ok all över ein Johr her, dat wi us mol in't Theoter seen hebbt. Un dat süüht ok so ut, as wenn dat noch'n Tied duert, bit dat dat wedder richtig losgohn kann mit dat Theoter. Aver keen Bang, we sünd all weeder an't planen und mien Fru un ick hebbt nu ok al wedder mit dat Proven losleggt.

Ick wünsch ju een ruhige Fier to Huus un blievt gesund un denn seht wi us, wenn alls gut geiht, in'n Harvst in't Theoter.

Reimer Hebbeln